Unsay connection sa halloween ug ang pagsaulog sa adlaw sa mga Santos ug sa mga minatay

Sa atong panahon, balaan kaayo ang atong paghandom sa mga santos ug sa atong mga minahal sa kinabuhi nga miuna kanato pagtaliwan ngadto sa kinabuhing walay kinutoban.

Apan karon ning panahon sa kabag-ohan, dungan sa pagpangandam ug pagsaulog All Saints’ Day ug All Souls’ Day, ilang pakapinan sa Halloween party.

Actually, bunga kini sa atong pagka-masinasinahon, nga bisa’g unsa na lang ang atong sundon, atong kopyahon ug awaton kon unsa ang himuon sa Western world.

Hinumdoman nga sa atong panahon, purely religious ang atong pagsaulog ning duha ka mahal nga adlaw.

Nakadugang sa problema (ako kining giisip nga problema) kay ang mga inosenti natong kabataan ato nang gitudloan paghatag og importansiya sa Halloween, inay nga ato silang tudloan pagpangadye ug pagsimba pagsimba pahinungod sa mga santos ug sa minahal natong nangamatay. Mga maskara sa mga panuway ug demonyo halinon kaayo, ug atong ipasul-ob sa kabataan pagtambong sa Halloween party, as if mao na kini ang pag-observe sa All Saints’ Day ug All Souls’ Day.

Anyway, mao na kini kita karon. Wa na tay mahimo niini. Bahin sa All Souls’ Day, sa iyang lindog, si Randy David nagkanayon: “Our culture directs us to remember those who have passed on—relatives, friends, and other people who have had a profound influence on our lives. We do this by bringing flowers to their graves, saying prayers and lighting candles to hasten their souls’ journey to heaven.”

Ambut unsay ikatabang sa Halloween party niini, aron mahilangit na unta ang atong mga minahal sa kinabuhi? Ang Halloween giisip nga celebration of death, inay celebration of life. Celebration of life, kay lagi tapus ning lumalabay natong kinabuhi dinhi, adto man ta padulong sa molungtad ug dili matapos nga kinabuhi.

Sa ako nang giingon, sa atong panahon, ang atong naandan, mao ang pag-simba, paghalad og mga bulak, pagdagkot og kandela, pag-rosaryo, ug ubang matang sa paghalad ug pag-ampo pahiuyon sa pagka-balaan niining duha ka adlaw.

* * *

Diay nindot kaayo nga atong kapanaminan, ilabina niining atong paningkamot pagsanta ug pagpuo sa korupsyon sa atong nasud. May kalabutan kini sa usa ka Chinese official, kanhi deputy director sa National Development and Reform Commission, ang top planning agency sa China, sama sa atong NEDA dinhi.

Gisilotan siya pagkabilanggo sa tibuok niyang kinabuhi, gumikan sa bribery. Giingon dinhi, “the court holds that the defendant as a government employee took advantage of his post to seek gains for others, illegally, took cash or gifts from others by himself or via his son.”

Sounds familiar, di ba? Aduna bay nasilotan nato dinhi for life gumikan sa bribery? Serious kaayo ang China bahin niining butanga.

Dugang sa korte: “The accused took bribes from various business people included cash and gifts for his son, among them a villa and a Porsche in exchange for project approval and other favours.”

Imagine, life sentence gyud. Kinsay dili mahadlok niini? Hinuon, worth $6M sad ang na-involved nga bribe money dinhi. Ug ang akusado miangkon sa iyang salaud uban sa tumang pagmahay.