Brillantes: Adunay mga magtutudlo nga mo-serve sa San Fernando

CEBU, Philippines – Aduna gihapo’y mga magtutudlo nga magsilbing miyembro sa electoral board sa umaabot nga eleksiyon sa Lungsod sa San Fernando.

Matud ni Atty. Jerome Brillantes, acting provincial election supervisor sa Sugbo nga daghan ang mga magtutuldo sa maong lungsod nga mamahimong mga electoral board.

“If dunay nangatras, gamay-gamay ra man sab. Tolerable ra man, there are a lot of teachers there who are willing and able to serve. No need to worry”, matud ni Brillantes.

Hinuon dili kalikayan nga adunay moatras bisan og ilahang gipasabot ang mga magtutudlo nga walay angay ikabalaka sa umaabot nga eleksiyon.

Gisaad karon sa Comelec ngadto sa mga magtutudlo nga gawas sa mga botante ang Comelec uban ang kapolisan mohatag og seguridad ngadto kanila sa umaabot nga piniliay.

“Atong ihatag nila nga assurance nga ang atong utmost nga gihatagan og importansiya is security sa mga mo-serve sa election”, matud usab ni Brillantes.

Sa laing bahin, gi-monitor sa Comelec sa Dakbayan sa Talisay ang mga tarpaulin sa mga nikandidato sa eleksiyon.

Si Atty. Gallardo Escobar, election officer sa siyudad nagkanayon nga padayon gihapon ang ilang gimbuhaton sa pagpangandam sa piniliay karong tuiga.

Lakip na niini ang pag-monitor sa mga tarpaulin nga gipangtaod  diha sa nagkalain-laing lugar sa siyudad ilabi na sa mga nasudnong kandidato gumikan kay nagsugod na ang campaign period samtang ang sa lokal magsugod sa sunod buwan.

Si Escobar nagkanayon nga kun aduna siya’y mabantayan nga tarpaulin sa nasudnong kandidato padalhan nila og notisya ang hingtungdan sa pagtangtang niini.

Iyahang gihangyo ang mga representante sa mga kandidato nga responsable sa pagbutang sa mga tarpaulin aron dili maalanganin ang kandidato nga ilang gilabanan. (Gabriel C. Bonjoc/BDB)(BANAT NEWS)