Konsensiya paglaum sa kapolisan sa kaso ni Bas
CEBU, Philippines — Gipaabot na lang sa kapolisan sa Dakbayan sa Talisay nga makonsensiya ang mga tawo nga nakakita sa nagpatay ni konsehal Art Stephen Bas sa Barangay Lagtang niadtong Hulyo 20.
Si Supt. Marlu Conag, hepe sa kapolisan sa siyudad, nitataw nga ila na nga gikuha ang tanang kopya sa closed-circuit television (CCTV) footage apan dili maklaro ang mga kriminal.
Ang ila lang gyud nga makompirmar sa footage nga nanaug ang gunman sa motorsiklo dayon giablihan ang pultahan sa sakyanan ni Bas apan dili sab maklaro nga gitiwasan sa mga kriminal si Bas.
Iyang giangkon nga kun walay footage ug walay testigo hanap gyud ang kaso nga masulbad. “Sana naman makonsensiya yung mga tawo nga nakakita sa krimen o yung mga naka-video o picture sa mga gunman na magpakita sa amin,” matud ni Conag. (BANAT NEWS)
- Latest
