Garganera: “In aid of elections”ang pagkiha kanila sa mayor
CEBU, Philippines – Naluoy si Konsehal Joel Garganera kang Cebu City Mayor Tomas Osmeña tungod kay ang pagpakauwaw sa mayor sa mga barangay kapitan sa oposisyon nagpakita lang kon unsa ka ‘lonely’ ang mayor.
Ang mga barangay kapitan sa oposisyon diin daghan kanila nanagan sa piniliay karong Mayo 14 gipangkasohan sa mayor didto sa Ombudsman tungod sa matud pa wala ma-liquidate nga cash assistance sa siyudad didto sa ilang mga barangay nga gi-disallow sa Commission on Audit kay wa moagi sa konseho.
“The mayor in filing cases against us, in maligning us, kaning pakauwawan ta, para nako if someone wants to hurt us, maligned name of the family just to make it appear nga he’s powerful kay iya man nang gisulti bisan pa og kaning unsay mahitabo karong eleksiyona he is still the mayor murag he’s trying to project nga he’s very powerful. You know, I really pity him, that just shows how lonely and insecure the guy, I pity the Mayor for doing this,” sigon ni Garganera. Niadtong miaging adlaw laing 36 ka mga kapitan ang gikasuhan sa mayor ug aduna pay mga flyers nga gihimo nga ang tumong mao ang pagpahibawo sa mga konstituwente sa mga gipangkiha nga mga barangay officials.
Si Garganera mihulagway sa gihimo ni Osmeña nga ‘in aid of election’ sa mga kandidato sa mayor. Subling giklaro ni Garganera nga na-liquidated na nila ang financial assistance nga gihatag sa siyudad sa ilaha.
“Below the belt lang gyud kaayo ang mayor ba. Iya lang nuon gipaklaro unsa siya ka insecure nga tawo, naluoy ko niya,” dugang sa konsehal.
Ang mayor miingon nga dili kini black propaganda kay makita mismo ang iyang ngalan sa mga flyers ug una niyang giangkon nga iya gyud kining gihimo.
“We file cases it is not black propaganda. Black propaganda is when it’s an anonymous letter or something fictitious I put my name there.
It says Tomas Osmeña and I’m announcing it publicly so you cannot call it black propaganda. They can sue me if they want, that’s okay I’m ready to answer because these are all official records,” sigon ni Osmeña. (/IBM)(BANAT NEWS)
- Latest
