Solo Parent cash assistance tun-an pa ni Rama
CEBU, Philippines - Dako pa kaayo ang subayunon ni Mayor Michael Rama sa Solo Parents cash assistance nga bag-ohay lang gipasar sa Konseho nga ang tumong mao ang paghatagb og tag singko mil pesos cash sa mga inahan o amahan nga wa nay kapares ug nag-inusarang nagbuhi sa ilang mga anak. Matud pa ni Rama iyaha pang tan-awon kun sulbad ba kini sa problema o makadugang lang hinuon kun kini ipatuman.
Tan-awon pa usab sa mayor ang rason kung nganong adunay mibabag sa maong ordinansahon ni Konsehal Gerardo Carillo.
Upat ka miyembro sa konseho ang mibabag ug misupak sa maong ordinansahon nga sila si Cebu City Councilor Mary Ann delos Santos, Hans Abella, Eugenio Gabuya, Jr. ug Noel Wenceslao , apan napasar kini gumikan kay daghan ang pabor.
“I still have a very important role to do before it will be signed, and I wish it will not be signed before I leave,â€sigun pa sa mayor kinsa lumargahay sa Amerika karong Mayo 15.
Usa sa mga rekisitos sa Solo Parent Ordinance nga kinahanglang nakabotar na og katulo, di molapas sa P60 mil ang ilang sweldo ang aplikante.
Gani hasta ang mga asawa o bana sa mga drug pushers nga mapriso mahimong makadawat niini kun makapresentar sila sa mga gikinahanglang rekisitos. (BANAT NEWS)
- Latest
