Demolisyon sa Tejero malinawon
CEBU, Philippines - Sukwahi sa nahitabong demolisyon sa barangay Apas, malinawon ug hapsay nga naguba ang 39 ka mga pinuy-anan sa barangay Tejero sa syudad sa Sugbo kagahapon.
Sumala ni Tejero barangay captain Garry Lao nga ang clearing operations sa ilang barangay di susama sa nahitabo sa barangay Apas nga “bayolente†tungod kay hapsay ug mikooperar gyud ang ilang mga konstituwente.
Ang “road restoration project†nga dugay nang proyekto sa syudad maglangkob sa 7-meter nga dalan sa New Aviola Street diin namuyo ang maong mga gipang-demolish nga kabalayan. “Mapasalamaton gyud mi nga there was no commotion, no violence happened and walay bagulbol gikan sa mga affected families. It was very peaceful,†matud ni Lao.
Ang Prevention, Restoration, Order, Beautification and Enhancement (probe) wala usab nasugatang problema sa maong demolisyon.
Matud ni Lao nga kasamtangang nagpuyo ang mga pamilya sa ilang mga kaparyentihan sa susamang barangay samtang wala pa sila mabalhin sa relocation site ngadto sa Tabarno Property Upper La Guerta, barangay Lahug, Cebu City.
Ang 39 ka apektadong pamilya makadawat og financial assistance nga nagkandtidad og P10,000 gikan sa syudad sa Sugbo. (BANAT NEWS)
- Latest
