Lalaking misulod og tindahan gipusil patay negosyante mitahan
CEBU, Philippines - Patay ang usa ka gidudahang kawatan human kini gipusil sa usa ka negosyante pasado alas-9 sa buntag kagahapon diha sa sitio Mahayahay barangay Calamba dakbayan sa Sugbo.
Ang biktima nailhan nga si Segundino Ytang, taga Tuyan, syudad sa Naga samtang ang suspetsado nailhan usab nga si Carlito Go, 52, molupyo usab sa maong lugar.
Sa pasiunang imbestigasyon sa kapolisan nasayran nga ang biktima giingong nakit-an sa suspetsadong misulod sa tindahan niini.
Hinungdan nga gisita kini sa suspetsado tungod sa pag-diretso lang niini og sulod sa iyang tindahan ug tungod niini mikaratil og dagan ang biktima apan gigukod kini sa suspek diha palibot sa ilang tugkaran.
Diha-diha gipusil kini sa suspetsado ug naigo sa likod nga bahin sa iyang lawas.
Sa pakighinabi sa Banat News ni PO2 Geoffrey Gutual sa Homicide Section, ilang susihon ang report nga “kawatan†ang biktima.
Boluntaryong mitahan sa iyang kaugalingon ang suspek ngadto sa kapolisan nga mi-responde usab sa maong insidente. (BANAT NEWS)
- Latest
