Membro sa PhilHealth gipahinumdoman sa pagbayad sa premium

CEBU, Philippines - Ang Philippine Health Insurance Corporation (PhilHealth) mipahimangno sa mga membro nga nagbayad sa ilang kaugalingon kalabot sa deadline sa ilang premium payment sulod sa ika-tulong kwarter ning tuiga nga mao ang Septiyembre 30.

Kini tungod kay ang ikatulong kuwarter sa tuig matapos sa Septiyembre 30 apan tungod kay nahimutang kini og Domingo o ugmang adlawa angay nga adto na kini ibayad sa mga Bayad Center sama sa SM City ug mga buhatan sa LBC kay andam    sila nga modawat og transaksyon   basta abli lamang sila bisan sa mga adlaw nga holiday, o kaha Sabado ug Domingo.

Ang mga individual-paying member nga adunay   kita matag buwan nga labaw sa P25,000 mobayad og premium nga P900 kada kwarter samtang kadtong mokita og P25,000 paubos mobayad lamang og premium nga P300 matag kwarter apan kining maong rate gitakdang patas-an ngadto sa P600 matag kwarter sugod karong Oktubre 1 ning tuiga.

Gipahinumdom sa PhilHealth sa tanang membro nga nagbayad sa ilang kaugalingong premium   nga atimanon gyud ang relihiyosong   pagbayad  niini aron kalikayan ang suspensyon sa ilang   katungod sa pagdawat og mga benepisyo.(WC)  (BANAT NEWS)