SWS Survey di kasaligan kay ang mga respondents di mga botante

Gipahigayong survey sa Social Weather Stations (SWS) ug sa administrasyon kabahin sa mga misuporta sa mga kandidato managlahi ang resulta.

Base sa survey sa SWS nga migawas sa milabay'ng adlaw ang mga kandidato sa oposisyon maoy nag-una. Si Francis Pangilinan independenteng kandidato (Partido Liberal) pagka-senador nakakuha og 56 porsyento sa 1,200 ka botante nationwide lakip na niini ang ubang mga kandidato nga ubos sa Genuine Opposition (GO).

Nagsunod si Loren Legarda sa GO nga dunay 54 porsyento, senate president Manuel Villar (GO-independent) 52 porsyento, Panfilo Lacson ug Alan Peter Cayetano nga parehong ubos sa GO kinsa parehong nakakuha og 43 porsyento, Ralph Recto sa Team Unity ug House Minority Leader Francis Escudero (GO) parehong nakakuha og 37 porsyento og nahimutang sa ika-unom.

Si Eduardo Angara sa Team Unity nakakuha og 27 porsyento diin nahimutang kini sa ika-13 ug ika-14 si Aquilino Pimentel nga dunay 26 porsyentong suporta.

Si Michael Defensor kinsa modagan usab isip senador karong eleksiyon sa Mayo nakakuha lang og 21 porsyentong suporta.

Matud ni Defensor kagahapon nga mipahigayon sila og kaugalingong survey diin ilang nasuta sa milabay'ng adlaw nga 20-30 porsyento sa na-survey sa SWS dili mga botante.

Gitataw ni Defensor nga ang Team Unity mipahigayon og survey diin aduna kini suporta sa machinery nga nagsentro sa mga rehistradong botante.

Sa in-house survey nga gipahigayon sa Team Unity nasuta nga sa local campaign kung ibutang sa 10 porsyento kasagaran sa maong gidaghanon ang nagsuporta sa mga kandidato sa administrasyon.