Work Stoppage giisyu sa DOLE batok pabrika sa semento

CEBU, Philippines — Ang Department of Labor and Employment (DOLE) niisyu na og Work Stoppage Order niadtong Miyerkules batok sa kompaniya sa semento nga sa  lungsod sa San Fernando tungod sa duha nila ka trabahanteng nakalas samtang nagtrabaho sa sud sa ilang kompanya.

Si Lilia Estillore, DOLE-7 Regional Director miingon nga kining stoppage order adunay admin penalty nga P100 mil.

Gibutyag ni Estillore nga nagpahigayon na sila og imbestigasyon ug hearing kung unsay hinungdan sa maong aksidente.

Gimandoan sab sa DOLE-7 ang management sa kompaniya nga mopresentar og mga corrective measures aron malikayan nga masubli ang susama nga insidente.

Si Estillore midugang sab nga kinahanglang hatagan sa kompanya og pinansiyal nga bayad ang mga pamilya sa mga biktima.

Gitug-an ni Estillore, libkason lang ang stoppage order sa higayon nga makita nilang mosalir gyud ang corrective measures nga himoon sa kompanya paglikay nga wala nay samang hitabo.

Kung mahinumduman nga ang duha ka mga trabahante naglimpyo sa dust collector adtong tungora sa dihang kalit silang natumpagan sa nagtipun-og ug namilit nga abog ug nangamatay. IBM BANAT NEWS