AVC Beach Tour sa Nuvali
MANILA, Philippines — Muling masisilayan ang world-class beach volleyball event sa pagdaraos ng Asian Volleyball Confederation (AVC) Beach Tour Second Nuvali Open simula sa Miyerkules sa Nuvali Sand Courts sa Santa Rosa City, Laguna.
Inihayag ni Philippine National Volleyball Federation (PNVF) at AVC president Ramon “Tats” Suzara na my 18 women’s pairs mula sa walong bansa at 22 men’s teams mula sa 11 bansa ang hahataw sa torneo.
“The Philippines has become the epicenter of beach volleyball in Asia as proven by this tournament that will gather a total of 40 teams from 11 countries,” ani Suzara na executive vice president ng International Volleyball Federation (FIVB).
Magandang oportunidad ito para sa mga local players na mahasa nang husto ng kanilang kakayahan laban sa mga world class players.
Ipaparada ng Pilipinas ang apat na teams sa women’s division at tatlo sa men’s side.
- Latest
