MVP, PNVF partnership para sa FIVB Worlds selyado na

MANILA, Philippines — Nakabingwit ng bigating backer ang Philippine National Volleyball Federation (PNVF) sa katauhan ng MVP Group of Companies para sa makasaysayang hosting ng 2025 FIVB Volleyball Men’s World Championship Philippines 2025 sa Setyembre 12 hanggang 28.
Sinelyuhan ng MVP Group at PNVF ang kanilang tambalan kahapon sa Meralco Lighthouse sa Ortigas, Pasig sa pangunguna ni Chairman Manny V. Pangilinan at PNVF president Ramon “Tats” Suzara.
Ito ang bagong samahan sa pagitan ng 2 sports patrons matapos din ang kooperasyon noong 2023 FIBA Basketball World Cup sa Pilipinas kung saan nagsilbing chief implementer at master planner si Suzara habang chairman emeritus ng host federation na Samahang Basketbol ng Pilipinas si Pangilinan.
“It’s the pleasure of the MVP group to support the PNVF. It’s only about two years ago when he hosted the basketball world cup and now, we’re hosting the volleyball as part of our vision in promoting the Philippine as a sporting and tourism destination,” ani Pangilinan.
“The MVP group has been supporting our national teams and this partnership signifies our shared vision to uplift the sport, inspire athletes and galvanize fans across the nation together as one. Maraming salamat boss MVP. Mabuhay po ang MVP Group of Companies,” sagot naman ni Suzara na kasalukuyan ding executive vice president ng FIVB at president ng Asian Volleyball Confederation.
“Together, we will deliver an event that involves the spirit of volleyball and reinforces our commitment to excellence and sportsmanship,” ani Suzara.
Tampok sa MVP Group ni Pangilinan ang PLDT, Smart, Meralco, Metro Pacific Investments, Cignal at mWell bilang ilan lamang sa sandamakmak na kumpanyang hawak niya.
Bida dito ang PLDT na siyang opisyal na broadband internet partner ng torneo habang Cignal naman ang opisyal na TV broadcast partner.
Kakaanunsyo lang ng PNVF kamakalawa ng K-POP boy group na BOYNEXTDOOR bilang headliner nito sa star-studded opening ceremony sa Setyembre 12 sa Mall of Asia Arena o kaya Smart Araneta Coliseum.
Bahagi rin sina Alas Pilipinas standouts Eya Laure at Bryan Bagunas bilang ambassadors.
- Latest