Suklam (72)
“HAHABULIN ko sana ang lalaki pero naawat ako ng sekyu ng motel. Magdemanda na lang daw ako tutal ay nahuli naman sa akto na magkasama ang asawa ko at lalaki. Pinagbalingan ko ang nanay mo. Pinagsasampal ko. Hindi ko na nakontrol ang sarili.
“Nagmakaawa sa akin ang nanay mo. Umiyak at lumuhod pa sa harapan ko.
Ako namang si martir at mapagpatawad, nakinig sa drama ng babaing kaliwete. Tinanggap ko makaraang mangako na hindi na uulit. Huwag ko na raw siyang idemanda. Nagmakaawa talaga ang babaing puta.
“Kaya nagsama muli kami. Kinalimutan ko ang ginawa niyang pagpugay sa dangal ko. Ikaw pa rin nasa isip ko noon Brent. Nag-iisa ka pa lang nun. Wala pa ang kapatid mo. Kung idedemanda ko, tuluyan ko nang hihiwalayan ang nanay mo, maaaring maapektuhan ka. Siyempre mawawala ang nanay mo at magtataka ka. Maguguluhan ka. ‘Yun ang ayaw kong mangyari.
“Kaya tuloy ang pagsasama namin. Akala ko magbabago na siya. Hindi pala at lumala pa dahil dito pa sa pamamahay ko at sa harap mo ginagawa ang kaimoralan. Kaya talagang naniniwala ako na hindi dapat pagtiwalaan ang babaing minsan nang nangalunya.’’
Napatango si Brent.Tama ang tatay niya.
(Itutuloy)
- Latest