Laman (48)
KINUTSABA pala ni Joshua ang nurse kaya nakapasok si Ate Lina. Naawa na rin siguro ang nurse kay Joshua kaya pumayag. Siguro ikinuwento ang ginagawa ng mommy ni Joshua na grabeng paghihigpit at pakikialam sa personal na buhay kahit nga sa pag-ibig.
“Sige na Lina, umalis ka na at baka abutan ka ni mommy. Text na lang kita, I love you.”
“I love you too…”
Lumabas na si Ate Lina. Nakabuntot naman ang nurse at itinuturo kung saan dadaan para hindi masalubong ang mommy ni Joshua. Nagpasalamat si Ate Lina sa nurse. Kundi dahil dito, hindi sila magkakausap ni Joshua.
“Baka naman puwe-deng makiusap na tulungan mo pa kami na magkitang muli. Lubus-lubusin mo na ang pagtulong mo sa amin.”
“Walang problema bas-ta makakaya ko. Naaawa nga ako sa inyong dalawa. Ganyan din ang nangyari sa sister ko.”
“Kunin ko ang cell phone mo puwede?”
“Sure. Text ko na lang sa’yo kung ano ang mga nangyayari rito.”
Kinuha ko ang number ng nurse.
“Ano nga palang name mo?” tanong ni Ate Lina.
“Lyra.”
“Maraming salamat Lyra. Ako nga pala si Lina.”
“Sige Lina. Diyan ka magdaan patungo sa lobby. Deretso lang tapos kumaliwa ka.”
Nagmamadaling uma- lis si Ate Lina.
Makaraan ang dalawang araw, nagtext si Ate Lina kay Lyra. Tinanong kung ano na ang lagay ni Joshua at kung naroon ang mommy nito. Katatapos lang daw ng chemo ni Joshua at mahigpit na binabantayan ng mommy nito. Hindi na raw halos uma- alis sa kuwarto ni Joshua. Naghihinala raw kasi na may babaing nagpunta.
“Ako ang pinaghihinalaan, Lyra?”
“Hindi naman. Me nakita kasing panyo rito kaya naghinala. Naiwan mo ba ang panyo mo rito?”
“Oo, Lyra.”
“Text kita Lina kapag puwede ka nang magpunta.”
Pero ilang araw na ang nakalipas ay hindi nagti-text si Lyra. Hindi mapakali si Ate Lina kaya siya na ang nagtext.
“Wala ang mommy ni Joshua rito pero ang pinsan niyang babae ang nagbabantay.”
“Anong pangalan ng pinsan?”
“Cynth.”
Gustong umakyat ng dugo sa ulo ni Ate Lina. Naisip daw niya, ano kaya raw at pumunta siya roon at awayin na ang mortal niyang kaaway na si Cynth.
(Itutuloy)
- Latest
- Trending
