Karugtong ng Init (11)
ALAS-SAIS na. Pinakiramdaman ko kung nasaan si Rica. Hindi ko makita sa paligid, Wala. Nalimutan na siguro ang sinabi na sasabay siya. Umuwi na siguro. Mabuti naman. Baka kung ano lang ang mangyari. Alam ko, mayroon siyang gustong mangyari. Hindi naman ako manhid sa mga kinikilos niya. Sa tipo ni Rica, alam kong gusto niyang makipaglaro.
Sinimulan ko nang ilagay sa cabinet ang mga gamit ko. Pinatay ko ang computer at ang lampshade. Lumabas na ako. Pero nang nasa may elevator na ako ay naroon at nakatayo na si Rica. Hula ko, matagal na niya akong minamatyagan at nang makitang naghahanda na ako sa pag-alis ay nagmamadali sa pagpunta sa may elevator.
Huli ako.
“Akala ko nakauwi ka na,” nasabi ko.
“Uuwi na nga sana kaya lang nasulyapan kitang papaalis na kaya hinintay na kita rito. Pasabay ha?”
“Aba oo.”
Pinindot ko ang elevator. Bumukas. Sumakay kami. Pinindot ko ang “G” sa button.
“Me siyota ka na Ross?”
“Meron.”
“Ilan?”
“Isa. Ikaw?” tanong ko.
“Wala.”
“Maniwala ako,” sabi ko.
“Wala pa talaga, Ross.”
“Yang ganda mong ‘yan walang siyota.”
“Oo nga e.”
Nakarating kami sa ground floor. Bumukas ang elevator. Lumabas kami. Dumaan sa may guwardiya na nasa main door.
“Saan ka umuuwi, Ross?”
“Diyan lang sa may PRC.”
“Saan ‘yun?”
“Philippine Racing Club. Sa dulo ng Pasong Tamo.”
“Di ko alam ‘yun.”
“Di ka siguro layas, ano?”
“Hindi talaga.”
“Saan ka ba umuuwi?”
“Sa Forbes.”
“Forbes Park?”
“Tange! Dun sa Gov. Forbes sa may UST.”
Napatawa ako. Tange nga siguro ako.
“Ilang sakay ka pala.”
“Dalawa. Sasakay ako ng bus patungong Quiapo at saka sasa kay ng dyip patungong España.”
“Delikadong magbiyahe sa dyipni ang katulad mong sexy. Baka masilipan ka.”
“Tange!”
Nang tumawid kami sa kalsadang nasa tapat ay idinikit niya sa aking braso ang kanang boobsie. Nararamdaman ko. Gaano kaya kaganda ang boobs ni Rica?
“Palabiro ka pala Ross,” sabi nang makarating kami sa kabila.
“Konti. Depende rin sa binibiro.”
“Sana katulad mo ang maging siyota ko.”
“Maniwala nga ako na wala ka pang siyota.”
“Wala nga.”
“Yang ganda mong ‘yan.”
“Kung me siyota ako e di sana me sumusundo sa akin.”
“Meron kang siyota pero binreyk mo na siguro? Tapos ngayon e naghahanap ka ng bago.”
“Paano mo nahulaan, Ross?”
“Wala lang.”
May parating na bus.
“Ayan ang bus pa-Quiapo, Rica.”
“Hindi mo ako ihahatid, Ross?”
Napalunok ako.
(Itutuloy)
- Latest
- Trending
