Ninong (58)

“WALA ka bang ipa­dadala, Ninong?” ta­nong ni Jigo na iki­nagulat ko.

“Ha? A e wala! Wala!”

“Pera baka mag­papadala ka ng pera kay Ninang. Para naman makapunta ako sa inyo at makita ko si Ninang.”

“Hindi na. Sala­mat na lang.”

Iyon lang at luma­bas na si Jigo. Ha­lata kong excited siyang makauwi. Iyon ang ikalawa niyang uwi. Ang una ay noong ikasal sila ni Diana. Ano kaya ang mangyayari ka­pag nalaman niyang hihiwalayan na siya ni Diana? Tiyak na pagdating niya sa bahay nila sa Mi­guelin ay wala na si Diana. Umalis na ito at hiwalay na sila.

Wala akong sina­yang na pagkakataon, agad kong tinawagan si Diana at sinabi ang pag-uwi ni Jigo. So­sorpresahin daw siya.

“Umalis ka na sa bahay n’yo dahil pauwi na si Jigo…” sabi ko.

“Oo. Sige. Iniim­pake ko ng mga damit ko.”

“Saan ka muna tu­tuloy?”

“Bahala na. Basta pagdating niya rito. Wala na ako.”

“Gamitin mo ang pinadadala kong dollars para sa paghanap ng mauupahan. Pada­dalhan agad kita pag­suweldo.”

“Oo. Dagdagan mo padala ha. Mahirap nang mabitin.”

“Oo. Sige.”

“Sigurado kang pa­uwi na si Jigo ha?”

“Oo. Galing siya rito kanina.”

“Sige Ninong. Ka­ilan mo ba balak umuwi”

“Text ko sa’yo. Tayo na ang mag­sasama pagbalik ko diyan. Baka tapusin ko na ang kontrata.”

“E di malaki ang makukuha mo?”

“Oo naman.”

“Sige pangako ’yan ha?”

Natapos ang usa­pan namin.

Iyon nga ang ba­lak ko. Tatapusin ko na ang kontrata ko para ganap kaming magkasama.

(Itutuloy)