Zus Coffee nakuha ang No. 1 overall pick sa PVL Rookie Draft
MANILA, Philippines — Plantsado na ang draft order para sa kauna-unahang Rookie Draft ng Premier Volleyball League (PVL) sa Hulyo 8 sa Novotel Manila Araneta City.
Ang Zus Coffee, dating Strong Group Athletics, ang maghihirang sa No. 1 overall pick kasunod ang Capital1 (No. 2), Galeries Tower (No. 3), Farm Fresh (No. 4), Nxled (No. 5), Akari (No. 6), Cignal (No. 7), PLDT (No. 8), Chery Tiggo (No. 9), Petro Gazz (No. 10), Choco Mucho (No. 11) at defending All-Filipino Conference champion Creamline (No. 12).
Nakamit ng Thunderbelles ang karapatan para sa top selection matapos manalo sa isinagawang draft lottery noong Lunes ng gabi.
Inaasahang pipiliin ng Zus Coffee ni coach Jerry Yee si De La Salle University star at Alas Pilipinas member Thea Gagate bilang No. 1 overall pick sa PVL Rookie Draft.
Babandera para sa Thunderbelles sina St. Benilde Lady Blazers hotshots Mich Gamit, Gayle Pascual, Jade Gentapa at reigning NCAA MVP Cloanne Mondoñedo.
Sasalang ang 47 qualified draft applicants at league free agents sa isang two-day combine sa Gameville Ballpark sa Sheridan na dadaluhan ng mga coaches.
- Latest
