“School holiday” posibleng ideklarar sa siyudad sa Enero 20

CEBU, Philippines — Gipanglantawan ni Cebu City Mayor Raymond Alvin Garcia nga ideklarar ang Enero 20, 2025 isip “School Holiday”.

Ang maong adlaw liwas kini sa pagsaulog sa Sinulog 2025 kun diin ipahigayon kini sa Cebu City Sports Center sa adlaw nga Domingo, Enero 19.

Sa report sa Cebu City Public Information Office nag-ingon nga ang kahigayunan sa pagdeklarar sa maong adlaw isip school holiday naghatag og panahon nga makapahuway ang mga tinun-an ug mga magtutudlo ilabi na kadtong mga mosalmot sa pagpatuman sa seguridad sa dakong kalihukan.

Giklaro usab ni Mayor Garcia nga ang iyang gahum kutob lang sa pagpadeklarar og school holiday ug ang pangulo sa nasud nga si Presidente Ferdinand “Bongbon” Marcos Jr. lang ang makadeklarar kung tugtan ba nga modeklarar og “no work holiday”.

“Kahibawo bitaw gyud mo nga ang makapatawag lang og official holiday is Malacan?ang. If they will declare it on a Monday a holiday, then that is theirs.

In so far as I am concerned, I can declare a school holiday. Amo ning estudyohan," pamahayag pa ni Mayor Garcia. — MEL BANAT NEWS