Naglalis sa utlanan sa yuta

Dear Atty. Divine,

Duna koy property apan dili titulado og Tax Declaration lang ang akong gikuptan. Karong bag-o gipahibawo ko sa tenant sa akong yuta nga ang kasikbit nagkural na sa iyang yuta ug portion sa akong property iyang gilakip sa pagkoral. Ako na siyang gireklamo sa barangay apan mi-insist siya nga sakop pa sa iyang yuta ang portion nga iyang gikoral. Unsay akong buhaton aron pagsuta kun nakalapas ba gyud siya sa akong property? Daghang salamat. —Jimmy

Dear Jimmy,

Aron pagsuta kon nakalapas ba gyud ang imong kasikbit sa boundary sa imong yuta, mas maayo nga imo kining ipa-survey. Kinahanglan nga imo sab siyang pahibaw-on labot sa imong pagpa-survey aron makasaksi siya niini ug aron sab motuo siya kun unsay mamahimong resulta sa maong survey. Kun masuta sa survey nga nakalapas siya sa boundary then mapugos gyud siya sa pagsibog sa iyang koral kutob lang sa boundary sa iyang yuta. Apan kun di gihapon mo mahusay human sa survey then mamahimong modangop ka sa korte aron pagsettle sa inyong boundary dispute. Thank you and God Bless! —Atty. Divine

* * *

Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.