Austrian surfer, 8 oras na nag-surf nang walang tigil!

ISANG surfer sa Austria ang opisyal na nakapagtala ng bagong Guinness World Record para sa longest time spent surfing a wave.

Ang surfer na si Maximilian Neubock ay nag-surf sa loob ng 8 oras, 5 minuto at 44 na segundo.

Isinagawa ang record attempt sa RiverWave, isang?an-made wave facility sa Ebensee, Austria. Ang nasabing atraksiyon ay gumagamit ng agos mula sa mga kalapit na ilog upang lumikha ng isang permanente at tuluy-tuloy na alon na maaaring i-surf.

Ayon sa ulat, nagawa ni Neubock ang pambihirang tagal na ito nang walang anumang pahinga. Sa katunayan, habang patuloy siyang naka-balanse sa alon, nagawa pa niyang kumain ng isang tasa ng soup.

Ang dating record ay hawak ni Gary Saavedra ng Panama, na nagtala ng 3 oras, 55 minuto, at 2 segundo habang nagsu-surf sa Panama Canal.

Tinapos ni Neub?k ang kanyang record breaking attempt sa pamamagitan ng paggabay sa kanyang board pabalik sa dock at pagtalon sa tubig.