Diha sa mga Mata sa Pagtuo
Marso 7, 2024: Ikaduhang Domingo sa Pasko sa Pagkabanhaw
Mga Pagbasa: Buh. 4;32-35/Sal. 118/1 Jn. 5;1-6/Jn. 20;19-31
MAAYONG BALITA
Malipayon ang mga tinun-an nga nitaho ngadto kang Tomas nga ilang nakita ang Ginoo sa pagpakita niini kanila didto sa tinakpan nga lawak.
Malisud alang kang Tomas nga motuo sa maong taho busa nibungat siya nga anha ra siya motuo kun mahikap niya ang mga samad nga inagian sa lansang diha sa lawas ni Jesus anha pa siya motuo.
Tuod man sa dihang nagkita sila ni Jesus nga Nabanhaw ug sa dihang nahikap na niya ang mga samad nga inagian sa lansang diha pa nagkanayon si Tomas: “Ginoo ko ug Dios ko!” pinasikad niini gitubag siya ni Jesus: “Bulahan kadtong nituo bisan wala makakita Kanako!”
KASINATIAN
Sa atong kinabuhi usahay adunay mga higayon nga naluya kita ug nakapangutana kun anaa ba ang Ginoo ug tinuod ba gyud nga naglihok siya. Ug kun naglihok siya nganong padayon man gihapong nisiaw ang mga dautan karong panahona?
Busa tungod niini nagkinahanglan kita og pagmatuod nga anaa ang Dios ug nga buhi siya! Kini usab ang nahitabo ni Tomas. Lisud tuohan ang giingon sa iyang mga kaubanan kalabot sa Ginoo nga Nabanhaw. Nagkinahanglan siya og ebidensiya. Tuod man gihatag kini ngadto kaniya.
Gikan sa maong pagmatuod nga pisikal nga nahikap niya mas nilawom ang pagtuo ni Tomas.
Sa iyang pagtuwaw: “Ginoo ko ug Dios ko!” Nagtuo siya nga anaa gyud ang presensiya sa Nabanhaw nga Ginoo.
LIHOK
Atong lig-onon ang atong pagtuo sa Nabanhaw nga Ginoo sa atong kinabuhi. Atong hinumdoman nga ang kamatayon dili katapusan kondili sinugdanan alang sa kinabuhing walay katapusan.
PANGAMUYO
Awiton:
SING ALLELUIA TO THE LORD
Sing Alleluia to the Lord Sing Alleluia to the Lord
Sing Alleluia, Sing Alleluia, Sing Alleluia to the Lord
Jesus is Risen from the dead, Jesus is Risen from the Dead. Jesus is Risen, Jesus is Risen, Jesus is Risen from the Dead
- Latest
