Babaeng guro, kinidnap
COTABATO CITY, Philippines — Isang babaeng public school teacher ang kinidnap ng mga armadong lalaki sa isang liblib na lugar sa Barangay Lilod sa Maguing, Lanao del Sur nitong Miyerkules, August 12.
Kinumpirma ng mga awtoridad ang pagkidnap kay Baesarome Dagalangit Bagul, isang teacher sa Malungon Elementary School sa Maguing, na sakop sa bayan ng Lanao del Sur.
Sa ulat ng mga imbestigador, sakay ng isang tricycle si Bagul na hinarang ng mga armadong kalalakihan na magkasama sa isang kulay pula na Toyota Rush. Sapilitang pinasakay ng mga kidnappers si Bagul sa kanilang kotse at agad na tumakas.
Walang nagawa ang driver ng tricycle na si Saidona Sobngan Musa dahil armado ang mga dumukot kay Bagul.
Nagtutulungan na ang mga operatiba sa Maguing sa paghahanap kina Bagul at ang mga dumukot sa kanya.
- Latest
