Dayuhan natagpuang patay
CAVITE, Philippines — Isang hindi pa nakikilalang foreigner ang natagpuang may mga tama ng saksak sa katawan at wala nang buhay sa tabi ng isang USV na nakagilid sa isang Creek, kamakalawa ng gabi sa Brgy. Iba Silang Cavite.
Sa imbestigasyon dakong alas-11:40 ng gabi nang matagpuang duguan at wala nang buhay na biktima sa gilid ng isang itim na SUV na nakahambalang at halos malaglag na sa Creek.
Ayon sa nakasaksi, may nakita ‘di umano itong tatlong kalalakihan na mabilis na sumakay sa isang tricycle at humarurot patakas.
Inaalam pa ng pulisya kung pag-aari ng hindi pa nakikilalang biktima ang nasabing fortuner.
Naitakbo pa sa Silang Specialist Medical Center ang biktima, subalit hindi na ito naisalba pa.
Nagsasagawa na ng follow-up ang Silang Police hinggil sa insidente.
- Latest
