P3.4 milyon gshabu nasabat sa buy-bust ops
CAMP VICENTE LIM, Laguna, Philippines — Kalahating kilo ng shabu, humigit-kumulang 500 gramo na nagkakahalaga ng P3.4 milyon ang nasabat kasunod ng pagkakaaresto sa tatlong drug traffickers sa isang operasyon sa TayTay, Rizal noong Miyerkules ng hapon.
Nasa listahan ng mga High-Value Drug personalities mula sa Philippine Drug Enforcement Agency (PDEA)-Calabarzon region ang drug suspect – na kinilala lamang ni alyas “Amir”, 39, na umano’y isang drug boss at dalawa nitong kasabwat na sina alyas “Sohaile,” 43, at “Naofil,” 29. Ang transaksyon ng droga ay ginanap sa rooftop parking area ng isang mall sa Barangay Dolores, Taytay, Rizal kung saan ang isang plain cloth agent ay nagpanggap bilang poseur buyer habang ang iba pang mga operatiba ay nakasuot ng civilian attire bilang back-up support, noong Miyerkules bandang 4:35 ng hapon.
Hindi naman nanlaban ang mga suspek nang makorner sila at sunggaban ng mga ahente ng PDEA4A habang nahuling tumatanggap ng marked money kapalit ng plastic sachet na naglalaman ng shabu na tinatayang nagkakahalaga ng P3,400,000.
Nasamsam din sa mga suspek ang dalawang sasakyan na Toyota Vios at Toyota Avanza na umano ginagamit sa kanilang operasyon sa droga, cellular phone, at buy-bust na marked money.
- Latest
