P3.4 milyong shabu nasamsam sa Lanao del Sur
![P3.4 milyong shabu nasamsam sa Lanao del Sur](https://media.philstar.com/photos/2024/08/22/3_2024-08-22_22-45-36.jpg)
COTABATO CITY, Philippines — Nakumpiska ng mga kasapi ng Philippine Drug Enforcement Agency (PDEA) ang P3.4 milyon na halaga ng shabu sa isang dealer na nalambat sa Barangay Bacayawan sa Malabang, Lanao del Sur, kamakalawa.
Sinabi ni Gil Cesario Castro, director ng PDEA-Bangsamoro Autonomous Region in Muslim Mindanao, hindi na pumalag pa si Amenola Sabdullah, 40, nang dakmain ng kanilang mga operatiba at mga pulis matapos silang bentahan ng kalahating kilo ng shabu sa isang lugar sa Barangay Bacayawan sa bayan ng Malabang.
Nasa kustodiya na ng PDEA-BARMM si Sabdullah at nahaharap na sa kasong paglabag sa Comprehensive Dangerous Drugs Act of 2002.
- Latest