Taga-Laguna wagi ng P30.2 milyon sa MegaLotto
MANILA, Philippines — Inianunsiyo ng Philippine Charity Sweepstakes Office (PCSO) na isang taga-Laguna ang pinalad na magwagi ng tumataginting na P30.2 milyong jackpot prize ng MegaLotto 6/45 na binola kamakalawa ng gabi.
Ayon sa PCSO, matagumpay na nahulaan ng lotto winner ang winning combination na 01-23- 20-16-27-03 na may katumbas na jackpot prize na P30,221,261.80.
Nabili umano ng lucky winner ang kanyang lucky ticket sa West Drive, Trade Center, Calamba, Laguna.
Pinayuhan ni PCSO General Manager Mel Robles ang lucky winner na upang makubra ang kanyang premyo ay magtungo lamang sa kanilang punong tanggapan sa Mandaluyong City.
Kailangan din aniya nitong iprisinta ang kanyang winning ticket at dalawang balidong IDs.
Ang MegaLotto 6/45 ay binubola tuwing Lunes, Miyerkules at Biyernes.
- Latest
