Magsasaka lunod sa ilog

TUGUEGARAO CITY, Cagayan  , Philippines  —  Nauwi sa trahedya ang isa sanang masayang family picnic isang araw bago ang pasukan sa eskuwela nang lamunin ng ilog ang isang 45-anyos na magsasaka naganap sa Barangay Ambatali, Ramon, Isabela noong Linggo. Sa report na nakarating kay Chief Insp. Lord Wilson Adorio, hepe ng PNP Ramon, kasama ng biktimang si Salvador Balagso ang buong pamilya na nagsagawa ng piknik sa ilog upang pagsaluhan nila ang pagtatapos ng bakasyon.

Sa tindi ng init ng panahon ay lumangoy sa malalim na bahagi ng ilog si Balagso upang magbabad subalit hindi na ito nakita pa dakong alas-5:00 ng hapon. Kusang lumutang ang bangkay ni Balagso na unang araw ng pasukan.