Estudyante dedo sa ambush

MANILA, Philippines – Patay ang 23-anyos na engineering student makaraang pagbabarilin  ng hindi kilalang lalaki sa bisinidad ng Johnston Subdivision sa Brgy. Baliwasan, Zamboanga City, Zamboanga del Sur noong Martes ng gabi. Idineklarang patay sa Zamboanga City Medical Center  ang biktimang si Abdurahman Omar ng Villa Teresa Subdivision sa Barangay Culianan at 5th year engineering student sa  Western Mindanao State University. Sa ulat ni P/Chief Insp. Rogelio Alabata na isinumite sa Camp Crame, nagmomotorsiklo ang biktima nang harangin at ratratin bandang alas-11 ng gabi. Tumilapon sa motorsiklo at bumagsak sa lupa ang biktima kung saan hindi pa nakuntento ay nilapitan pa ito ng gunman saka muling pinagbabaril.