6 arestado sa buy-bust
TUGUEGARAO CITY, Cagayan, Philippines – Arestado ang anak ng retiradong opisyal ng militar sa serye ng operasyon ng pulisya laban sa bawal na droga sa Cagayan Valley at Ilocos regions kamakalawa. ?
Ayon kay P/Senior Insp. George Maribbay, hepe ng Gamu PNP, aabot sa 9 plastic sachets ng shabu ang nasamsam ng pulisya sa suspek na si Rhinodel Recto Verona ng Taguig City sa isinagawang buy-bust operation sa Barangay Upi malapit sa kampo ng 5th Army Division.
Samantala, sa ulat ni P/Supt. Jeffrey Gorospe, hepe ng PNP Laoag City PNP, umabot sa 29 plastic sachets ng shabu, isang cal .45 pistol at mga bala ang nakumpiska sa suspek na si Warren Agpaoa matapos ang pagsalakay sa kanyang bahay sa Barangay 9, Laoag City.
Umabot naman sa 11 plastic sachets na shabu ang nasamsam sa mga suspek na sina Alejandro Oribio, Mary Jane Rafanan at Roberto Cabanilla sa isinagawang buy-bust operation sa Barangay Lipay sa bayan ng Villasis, Pangasinan. Nasakote rin ang suspek na si Jonah Pascua matapos ang buy-bust operation ng pulisya sa Barangay Centro 1 sa bayan ng Lasam, Cagayan kung saan tatlong plastic sachets ng shabu ang nasamsam.
- Latest
