Lover ni misis dedo kay mister

BULACAN, Philippines – Napaslang ang 35-anyos na obrerong sinasabing palikero matapos itong saksakin ng selosong mister sa Barangay Bangkal, bayan ng Norzagaray, Bulacan kahapon ng umaga. Kinilala ang napatay na si Jerum Alibio ng Sitio Poblacion habang pinaghahanap naman ng pulisya ang suspek na si Leopoldo Estonilo, 44, ng nasabing barangay. Sa imbestigasyon ni PO3 Dwight Danao, lumilitaw na natiyempuhan ang biktima na muling bumisita sa tindahan ng asawa ng suspek na sinasabing nagselos. Paglabas ng tindahan ng biktima kasama ang kanyang kaibigang si Georgy Cornelio ay pinagpapalo ito ng suspek hanggang sa magkahabulan. Kinabukasan ay natagpuang patay ang biktima sa madamong bahagi ng nasabing barangay.