Vocalist ng banda, tinodas

CAVITE, Philippines- Hindi akalain ng isang vocalist ng banda na huling ‘gig’ na pala niya kahapon matapos itong pagbabarilin habang naghihintay ng isa pang set sa labas ng kinakantahang restaurant sa Dasmariñas City, Cavite.?? Dead-on-the-spot sa tinamong mga tama ng bala sa ulo ng biktimang si Rizaldy Bernardo, 35, taga- Isidro Mangubat St., Brgy. Zone 4, Dasmariñas City, Cavite. Samantalang minalas namang masugatan sa braso ang katabi nitong si Reynaldo Ricasata Jr.?? Base sa imbestigasyon ng pulisya, ganap na alas- 12 ng hatinggabi habang nasa labas ng? Orange Canteen na nasa Bautista St., Brgy. Zone 4 ang mga biktima na nag-uusap nang bigla na lang malapitang binaril ng hindi nakilalang suspek na naka-maskara si Bernardo.?? Matapos ang pamamaril ay mabilis na tumakas ang suspek sakay ng motorsiklo na nakaparada di kalayuan sa lugar. Inaalam na kung sino ang posibleng nakaaway ng biktima upang matukoy ang suspek sa krimen. (Cristina Timbang)