Mister itinumba ng NPA rebels

LEGAZPI CITY , ALBAY, Philippines – Isang magsasaka na pinaghinalaang asset ng militar at pulisya ang walang awang pinagbababaril ng mga miyembro ng rebeldeng New People’s Army ( NPA ) matapos na dukutin sa Brgy. Rizal, Monreal, Masbate kahapon ng umaga.

Ang biktimang kinilalang si Carino Ligues, 36-anyos, isang magsasaka ay tadtad ng mga tama ng bala sa ulo at katawan na residente ng Brgy. Maglambong ng nasa­bing bayan.

Sa report ng pulisya, bandang alas-6:30 ng umaga nang matagpuan ang dugu­ang bangkay ng biktima na nakagapos ang mga kamay sa nasabing lugar.

Nabatid na ang biktima ay matagal ng pinaghihinalaang asset ng militar at pulisya na siyang sinisilip na motibo ng krimen.