Ama nagbigti dahil sa kahirapan

NUEVA ECIJA, Philippines – Kusang nagpasalubong kay kamatayan ang 36-anyos na ama na sinasabing desperado sa kahirapan ng buhay matapos itong magbigti sa kanilang bahay sa Barangay Malasin, San Jose City, Nueva Ecija, kamakalawa ng umaga. Lumilitaw sa imbetigasyon na bago mag-suicide ang magsasakang si Eddie Villanueva ay nagwala muna sa kanilang bahay dahil sa sinasabing problemado sa kabuhayan ng kanyang pamilya. Kaagad na humingi ng tulong ang misis ng biktima kaya mabilis na rumesponde ang mga barangay tanod. Napayapa naman ang biktima kung saan pinayuhan ng ilang opisyal ng barangay na magpalipas muna ng gabi sa barangay hall ang misis ni Villanueva at walong anak para maiwasan ang anumang karahasan. Nang bumalik sa bahay ang mag-iina kinabukasan ay natagpuan ang biktima na naka­bitin sa kisame ng kanilang bahay.