3 kritikal sa ambush

TUGUEGARAO CITY, Cagayan, Philippines – Tatlo-katao ang malubhang nasugatan makaraang ratratin ng mga di-kilalang kalalakihan sa naganap na pananambang kamakalawa sa Sitio Hot Spring, Barangay Asinga sa bayan ng Baggao, Cagayan.?

Kinilala ni P/Chief Insp. Romar Pacis, hepe ng Baggao PNP ang mga biktima na sina Venancio Parayo, 57; Aldrin Parayo, 25; at si Rolly Respicio na pawang nakatira sa nasabing barangay at mga tauhan ni Chairman Samson Ballesteros.

Lumalabas sa imbestigasyon ng pulisya na tutol ang isang negosyante sa pagpapatanim ng mais ng mga biktima sa lupaing nasa ilalim pa ng kaso na dinidig sa korte.?

Napag-alamang papauwi na ang mga biktimang lulan ng kani-kanilang motorsiklo nang tambangan.

Kinailangan pang ibiyahe sa Cagayan Valley Medical Center ang mga biktimang nasa kritikal na kalagayan habang patuloy ang imbestigasyon.