Shootout: 2 tulak-droga tumba

MANILA, Philippines - Napaslang ang dalawang notoryus na drug pusher matapos na  pumalag sa arresting team ng pulisya sa naganap na shootout sa Tramo Riles, Barangay Canlalay sa Biñan City, Laguna kamakalawa ng hapon. Sa police report na isinumite kay P/Supt. Florendo Saligao, Laguna PNP director, bandang alas -3:50 ng hapon nang ilatag ang anti-drug operation sa nasabing lugar. Gayon pa man, dalawa sa mga  drug pusher ang nanlaban at pinaputukan ang arresting team ng pulisya na nauwi sa shootout sa pagitan ng magkabilang panig. Sa kasagsagan ng putukan ay magkakasunod na tumimbuwang ang dalawa na kasalukuyan pang inaalam ang pagkakakilanlan. Nasamsam sa encounter site ang cal. 9mm pistol, submachine gun, bultu-bultong drug paraphernalias at mga plastic sachet ng shabu.