Maguindanao planning officer itinumba

MANILA, Philippines - Patay ang provincial planning officer ng Ma­guindanao makaraan itong pagbabarilin ng motorcycle riding-in-tandem  habang hinihintay ang kanyang anak na sinusundo nito sa eskuwela sa lungsod ng Cotabato kamakalawa ng hapon.

Kinilala ni Sr. Supt. Rollen­ Balquin, hepe ng Cotabato City ang nasa­wing biktima na si Sadat Pandalat, 48-anyos.

Ang biktima ay nagtamo ng mga tama ng bala sa iba’t ibang bahagi ng ka­tawan na siya nitong dagliang ikinasawi.

Sa imbestigasyon, si­nabi ni Balquin na kada­rating lamang ng biktima sa labas ng eskuwelahan na ipinarada ang kaniyang sasakyan habang hinihintay ang anak sa parking area ng maganap ang insidente sa Datu Odin Sinsuat Ave­nue ng lungsod dakong alas-4:10 ng hapon.

Bigla na lamang umanong sumulpot ang riding­-in-tandem na mga salarin at pagtapat sa biktima ay agad itong pinagba­baril ng sunud-sunod hang­gang sa duguang bu­mulagta.

Ang mga suspek ay mabilis­ na nagsitakas patungo sa hindi pa malamang destinasyon.

Kasalukuyan pang iniimbestigahan ng mga awtoridad ang motibo ng naganap na krimen.