Warrant officer itinumba

BULACAN , Philippines  â€“ Pinabulagta ang 37-anyos na warrant officer ng PNP makaraang ratratin ng motorcycle-riding gunmen sa Barangay Buliran, bayan ng San Miguel, Bulacan kamakalawa ng hapon. Pitong bala ng cal. 45 pistol ang tumapos sa buhay ni PO1 Joseph Garcia Jr. ng Norzagaray PNP at nakatira sa Barangay San Jose sa nasabing bayan. Ayon kay PO3 Florante Lasco, papauwi na ang biktimang lulan ng motorsiklo mula sa sabungan kasama ang kaanak nang harangin at pagbabarilin ng riding-in-tandem gunmen. Sa tala ng pulisya, binaril at napatay din ang isa pang pulis na si SPO1 Angelito Liwag sa bahagi ng Barangay Maasim, bayan ng San Ildefonso, Bulacan noong Sabado (Marso 22) matapos na dumalo sa lamay ng kaanak ng kanyang asawa sa nasabing lugar.