Pulis dedo sa road mishap

CAMARINES NORTE, Philippines - - Patay ang 38-anyos na pulis matapos sumemplang ang kanyang motorsiklo sa kahabaan ng Maharlika Highway sa Barangay Mat-i, bayan ng Vinzons, Camarines Norte kamakalawa ng gabi. Nagawa pang maisugod sa pagamutan sa Naga City subalit binawian ng buhay ang biktimang si PO3 Eugene Camacho ng Barangay Camambugan sa bayan ng Daet, Camarines Norte at nakatalaga sa himpilan ng pulisya sa bayan ng Paracale. Nabatid na hindi napansin ng biktima ang mga nagkalat na mga bato at buhangin sa nasabing highway kaya sumemplang ito. Bagamat naka-helmet,  matindi pa rin ang  pinsala sa ulo ng biktima.