Misis, lover naaktuhan ni mister
RIZAL, Philippines – Kalaboso ang 37-anyos na misis at kalaguyo nito matapos arestuhin ng pulisya sa aktong nagtatalik sa loob ng bahay ng lalaki sa Barangay Bayugo, bayan ng Jala-Jala, Rizal kamakalawa ng gabi.
Pormal na kinasuhan ng pulisya ang magkalaguyo na sina Zeny Patambang at Rommel Calumpang, 38, binata, electronic technician at kapwa nakatira sa nabanggit na bayan.
Base sa police report na isinumite kay P/Senior Insp. Leo Gabrang, hepe ng Jala-Jala PNP, dakong alas-10 ng gabi nang maaktuhan ni Jonathan Patambang ang kanyang misis at kalaguyo nito na nagtatalik sa bahay ng lalaki.
Nabatid na may nakapagsabi kay JonaÂthan na ang magkalaguyo ay nagtungo sa birthday party kung saan magkasamang tumuloy sa bahay ni Rommel.
Kaagad namang humingi ng tulong sa pulisya si Jonathan kung saan palihim na pinuntahan at pumasok sa bahay ni Calumpang.
Lingid sa kaalaman ng magkalaguyo ay nakapasok at nakunan ng litrato ni Jonathan ang ginawang pagtatalik kung saan nasaksihan din ng mga operatiba ng pulisya.
- Latest
