Chairman dedo sa tandem

BULACAN, Philippines – Napaslang ang 55-anyos na barangay chairman matapos itong pagbabarilin ng dalawang di-kilalang lalaki na lulan ng motorsiklo sa Barangay Santol, bayan ng Balagtas, Bulacan kahapon ng umaga. Apat na bala ng cal. 45 pistol ang tumama at idineklarang patay sa Balagtas Doctors Hospital ang biktimang si Chairman Ernesto Ventura at kilalang masugid na kaalyado ng nanalong si Balagtas Mayor Romeo Castro. Ayon kay SPO4 Roberto Santos, minamanduhan ng biktima ang ilang opisyal ng barangay at tanod sa paglilinis ng mga kanal ng kanilang kapilya nang lapitan at pagbabarilin ng tandem. Sinasabing bago mapatay ang biktima ay nakipag-agawan pa ng baril laban sa isa sa dalawang gunmen habang patuloy naman ang imbestigasyon.