Medtech kinidnap ng Sayyaf
MANILA, Philippines - Bumanat muli ang mga pinaghihinalaang bandidong Abu Sayyaf matapos dukutin ang isang medical technologist na misis ng isang sundalo nitong Sabado ng umaga sa Jolo, Sulu.
Kinilala ni Sr. Supt. RoÂbert Kuinisala, Officer in Charge ng Sulu Provincial Police Office (PPO) ang dinukot na biktima na si Casilda Villarasa, 41 anyos, misis ni Sgt. Faustino VillaÂrasa ng Philippine Marines Jolo ng lalawigang ito. Ang biktima ay nagsisilbi bilang medical technologist na empleyado ng Sulu Provincial Health Office.
Ayon kay Kuinisala bandang alas- 6:30 ng umaga ng maganap ang insidente habang ang biktima ay patungo sa hospital kasama ang 9-anyos na anak nitong babae na si Valeria Villarasa.
Bigla na lamang humaÂrang sa mga ito ang mga armadong suspek saka kinaladkad ang biktima pasakay sa nakaparadang behikulo na ginamit na getaway vehicle ng mga kidnapper na tumahak patungo sa direksyon ng Brgy. Kasanyangan, Jolo ng lalawigan.
Narekober naman ng mga nagrespondeng eleÂmento ng Provincial Police Safety Company ang inabandonang get away vehicle ng mga kidnapper na isang kulay itim na may pagkaabong L300 van (GMU 787).
Nagsasagawa na ng search and rescue operations ang pinagsanib na elemento ng Philippine Marines at pulisya upang ligtas na mabawi ang bihag.
- Latest
