4 nalunod sa ilog
TUGUEGARAO CITY, Philippines - Apat-katao ang iniulat na nasawi sa naganap na magkakahiwalay na pagkalunod sa ilog noong Semana Santa.
Kinilala ang mga biktima na sina Juniel Zamora, 7, ng Antipolo City, Rizal; Jose Caluza, 60, ng Barangay Parian Este sa bayan ng Bauang, La Union; Avelino Daliri, 29, ng Brgy. Saranay, Cabatuan; at si Venancio Dumon.
Ayon sa ulat, si Zamora na sinasabing lumusong sa dalampasigan ay hindi na lumutang sa ilog ng Barangay Lipit-Tomeeng sa San Fabian, Pangasinan noong Biyernes Santo. Samantala, si Caluza na sinasabing lango sa alak ay tinangay ng malakas na agos ng ilog sa Brgy. Parian Este.
Sa ulat ni P/Supt. Narciso Paragas, nalunod naman si Daliri sa Cagayan River, bayan ng Echague, Cabatuan noong Biyernes Santo habang si Dumon ay tinangay naman ng malakas na agos ng ilog sa Brgy. Pangal na sinasabing kapwa lango sa alak.
- Latest
