Mister utas sa butete, 1 grabe
TUGUEGARAO CITY, Philippines – Patay ang isang mister matapos itong malason sa pinulutang isdang butete habang isa pa ang nasa grabeng kalagayan sa Brgy. Saud, Badoc , Ilocos Norte kamakalawa.
Kinilala ni Chairman Acer Gamponia ang namatay nitong ka-barangay na si Orlando Villa samantalang inoobserbahan naman sa hospital ang isa pa na si Marlou Valdez.
Sinabi ni Chairman Gamponia na napulot lamang ni Villa sa dalampasigan ang isdang butete na pinaniniwalaang nalambat subalit itinapon ng mga mangingisda sa kanilang lugar.
Nabatid na kinain ng mga biktima ang lamang loob ng isda samantalang tumikim lamang si Valdez ng balat nito.
Kinumpirma naman ni Fisheries Regulatory Coordinator Arthur Velente na isang uri ng nakalalasong isda ang pinulutan ng mga biktima.
- Latest
