Brgy. Chairman nag-suicide
TUGUEGARAO CITY, Philippines – Winakasan ng isang 54 anyos na Brgy. Chairman ang kaniyang buhay matapos itong magbigti sa kanilang piggery sa bayan ng San Agustin, Isabela, ayon sa opisyal kahapon.
Kinilala ni Isabela Provincial Police Office P/Sr. Supt. Franklin Moises Mabanag ang nasawing biktima na si Solomon Mayor, Chairman sa Brgy. Virgoniza sa bayan ng San Agustin.
Sinabi ni Mabanag, dakong alas-6:45 ng umaga nitong Biyernes ng matagpuan ng kaniyang kapatid na nakabigti gamit ang lubid ang bangkay ng biktima sa kanilang piggery sa Brgy. Virgoniza ng bayang nabanggit.
Bago ito ay ilang araw na umanong nakikitang tila may malalim na iniisip ang nasabing Brgy. Chairman.
Ayon kay Mabanag, wala namang nakitang foul play ang mga awtoridad sa pagpapakamatay ng biktima habang patuloy ang imbestigasyon sa kasong ito.
- Latest
