May kapansanan, ni-rape slay ng adik

NUEVA VIZCAYA, Philippines  – Brutal ang ginawang pagpatay sa 23-anyos na dalagang may kapansanan sa pag-iisip matapos itong halayin ay sinakal ng kanilang kapitbahay na sinasabing adik sa droga sa bakuran ng kanilang tahanan sa Barangay Villa Coloma sa bayan ng Bagabag, Nueva Vizcaya noong Linggo (Sept 23).

Lumalabas sa imbestigasyon na iniwanan ang biktimang si Jenny de Jesus ng kanyang mga magulang upang magtanim sa kanilang bukirin.

Subalit nanlumo ang mag-asawa nang madatnang luray na at walang buhay ang kanilang dalaga na nakahilata sa labas ng kanilang tahanan kung saan nakalislis pa ang palda.

Nakaukit pa sa kaliwang hita ng biktima ang pangalang “Archie” na sinasabing kapitbahay lamang ng mga ito. 

Bukod dito, kalunus-lunos rin ang ginawang paglapastangan ng suspek sa katawan ng biktima kung saan ay tinarakan ng tangkay ng malunggay ang ari nito at binusalan pa ng lupa at  dahon ng saging ang bibig. Victor Martin at Raymund Catindig