Retarded ni-rape sa burol ng lolo

BULACAN, Philippines - Kalaboso ang 40-anyos na lalaki matapos ireklamo ng panghahalay sa 41-anyos na babaeng may kapansanan sa pag-iisip, sa burol ng kanyang lolo sa Barangay Lolomboy sa bayan ng Bocaue, Bulacan, ayon sa ulat ng pulisya. Kinilala ni P/Supt. Diosdado Iniego, ang suspek na si Carlito Mariano na dinakma dahil sa inisyung warrant of arrest ni Judge Ma. Belen Ringpis-Liban ng Malolos City Regional Trial Court Branch 85 at walang inirekomendang piyansa. Base sa record ng korte, naganap ang krimen noong Pebrero 25, 2012 kung saan hinikayat ng suspek ang biktima sa kuwarto habang nakaburol ang kanyang lolo. Dito na naisagawa ng suspek ang maitim na balak kung saan nadiskubre lamang ang panghahalay matapos ipaabot ng kapitbahay sa ina ng biktima. Inamin naman ng suspek ang pagkakasala matapos na arestuhin ng pulisya.