Barbero tinodas sa kuryente

CANDELARIA, QUEZON, Philippines – Dahilan sa hindi pagbabayad ng kuryente, patay ang isang barbero matapos na barilin ng kap­wa nito barbero sa Brgy. Poblacion ng bayang ito kamakalawa ng umaga.

Nagtamo ng isang tama ng bala ng cal. 380 sa likurang bahagi ng ulo ang biktimang si Michael Capangada, 27, binata.

Pinaghahanap naman ng mga awtoridad ang tumakas na suspek na kinilalang si Ronald Concepcion.

Ayon sa ulat ng pulisya, dakong alas-7:30  ng uma­ga ay tinungo ng suspek ang bahay ng biktima at kinumpronta ito tungkol sa hindi pagbabayad ng kanilang bill sa kuryente ng kanilang pinagtatrabahuhang barber shop.

Nang tumalikod umano ang biktima ay sinamantala ng suspek ang pagbunot sa kanyang baywang ng baril at pinabulagta ang kapwa barbero.