5 tulak-droga arestado

BULACAN, Philippines  – Lima-katao na sinasabing notoryus na drug pusher ang nasakote ng mga operatiba ng pulisya sa inilatag na operasyon sa magkakahiwalay na tatlong bayan sa lalawigan ng Bulacan kamakalawa. Pormal na kinasuhan ng pulisya ang mga suspek na sina Mylene “Bakekang” Prigo, Eric Sullera, Mario Tolentino, Jemeca Magtira at si Michael Aragon. Base sa ulat, si Prigo ay nasakote sa buy-bust operation sa Sitio Dike, Brgy. Bañga 1st Plaridel kung saan nasamsam ang apat na sachet ng shabu. Samantala, sina Sullera at Magtira ay nadakma sa Brgy. Camangyanan sa bayan ng Sta. Maria habang si Tolentino ay naaktuhan naman sa pot session ng mga tauhan ni P/Supt.Lailene Amparo. Si Aragon naman ay nasakote sa kanyang bahay sa Brgy. Poblacion, Norzagaray kung saan nagrerepak ng pinatuyong dahon ng marijuana at nasamsam ang 37 sachet ng shabu.