8 sundalo swak sa bangin

TUGUEGARAO CIT, Philippines - Kasalukuyang nakikipaglaban kay kamatayan ang walong sundalo ng Phil. Army matapos mag-dive ang sinasakyang military truck sa bangin sa Barangay Tarinsing sa bayan ng Cordon, Isabela kahapon. Sa ulat ni P/Senior Supt. Vicente Valdez, kabilang sa sugatang naisugod sa Javonillo Clinic ay sina Sgt. Arvid James Malicia, Cpl. James Cristobal, Cpl Rainier Padilla, Cpl Jose Beltran, Pfc Feliciano Tattao, Pfc Oliver Gabatan, Pfc Jeffrey Gallena at si Pvt Renijon Camilona pawang mga naka-assign sa Army Reconnaissance Company ng 5th Army Division sa Barangay Sapid, Mangkayan, Benguet. Lumilitaw na nag-overtake ang military truck sa sinusundang sasakyan subalit iniwasan ng driver na si Jessie Balisalisa ang nakasalubong na motorsiklo kaya sumalpok sa punong kahoy bago nahulog sa malalim na gilid ng highway.