2 akyat-bahay arestado

BULACAN ,Philippines  – Kalaboso ang dalawang miyembro ng Akyat-Bahay Gang matapos maaresto ng pulisya sa inilatag na checkpoint sa Sitio Tabtab, Barangay Poblacion sa bayan ng Norzagaray, Bulacan kamakalawa ng gabi. Pormal na kinasuhan ng pulisya ang mga suspek na sina Ruben Esquivel Jr., 38; at Antonio Castillo, 32, kapwa nakatira sa Barangay Poblacion. Base sa ulat ni P/Supt. Miguel Atienza, ang da­lawa ay inireklamo ni Victoria Dela Cruz ng pagnanakaw ng P.5 milyong halaga ng ari-arian. Nakorner sa checkpoint ang mga suspek na lulan ng Mitsubishi L-300 van (ULY-4442) kung saan tumutugma sa impormasyong nakalap ng pulisya sa biktima. Narekober sa mga suspek ang mga mamahaling gamit, cash at baril na pag-aari ng biktima.